VIDEO Nje xhiro nga Lemi i Sofise deri ne qender te Lukoves

Me pelqeu pa mase perfundimi i pjesshem i rruges se Lukoves dhe bera nje video per te gjithe Lukovjotet qe skane pas mundesine te shkojne ne fshat kete periudhe.Videoja eshte amatore me celular dhe e marre ne ecje me makine.

Duke filluar qe nga Lemi i Sofise do shikoni qarte se si eshte zgjeruar ,shtruar dhe masat mbrojtese anes se saj.Ndoshta mund te behej dhe me mire por besoj dhe uroj qe kjo rruge te jete nje nxitje per turistat qe te preferojne zonen tone pasi dhe udhetimi i tyre do te jete me i sigurt dhe ne kohe me te shkurter se me pare.

Punetoret e firmes sulmojne banoret Nivicjot dhunshem ne gryken e Brodanit..

Me leve pas koke punetoret e firmes qe ka marre persiper ndertimin e fshatit turistik ne Kakomene e Nivicjoteve kane qelluar nje banor nivicjot i cili ka shkuar urgjent ne spitalin e Janines per tu kuruar.Ne keto momente nga disa te dhena banori i Nivices eshte jashte rrezikut per jeten pasi goditjet pas koke qene te nje shkalle shume te larte.
Ky incident filloi ne gryken e brodanit jo ne fshatin turistik, ku punetoret e firmes kalonin me makinat e tyre dhe me fyerje dhe sharje te renda kane sulmuar Nivicjotet.Keta punetore te mbrojtur nga policia e shtetit kane provokuar sherrin dhe hapur ate duke qelluar me leva e mjete pune qe kishin mbi banoret e Nivices.
Dhe me paturpesine me te madhe punetoret e firmes kane bere dhe padije penale karshi banoreve te Nivices.
Vjedharaket pervecse vjedhjes po perdorin dhe dhunen karshi Nivicjoteve te cilet ne keto momente jane te lene pas dore nga ana e shtetit por keta vjedharak duhet te dine qe Nivicjotet jane njerez luftetare dhe aq me shume kur ata kane te drejten ne anen e tyre...

Nis ndertimi i fshatit turistik ne Kakome !!!!!!

SHKRUAN BALKAN WEB
Prej tete ditesh ne Kakome te Sarandes ka nisur puna per ngritjen e fshatit turistik. Sipas perfaqesuesve te firmes "Riviera", banoret nuk jane me problem madje po bashkepunojnλ duke u punesuar.

SARANDE-Në 80 hektarët e fshatit Kakome ka nisur të konturohen kufijtë e transferimit në fshat turistik. Janë rreth 80 punëtorë e specialistë, 4 skrepa e çekiça dhe disa makina të rënda vetëshkarkuese, që janë përfshirë në punën për ngritjen e trasesë së rrugës, bërjen e rrethimit, përshtatjen e një ndërtese ekzistuese që do të shërbejë si qendër e adiministratës dhe menazhimit.
Inxhinjeri i firmes "Riviera"Luftar Limaj shprehet per News 24 se “banorët jo vetëm qe nuk jane me pengese por disa prej tyre kanë kërkuar edhe të punësohen nga firmat ndertuese te fshatit turistik”.
Deri më tani puna për ndërtimin e fshatit turistik në Kakome ka vijuar normalisht dhe pa asnjë incident. Policia private “So Vip” shërben 24 orë në kantieret e ndërtimit duke garantuar siguri.

(d.b/News24/BalkanWeb)

Ja dhe nje mesazh nga Banor i Nivices

KAKOMEJA, TOKA KU U RRITEM, KU BEME PLAZH, KU LUAJTEM,KU KALUAM MOMENTE TE BUKURA, TOKA KU LINDEN E VDIQEN TE PARET TANE,PEMET E TE CILES JANE RRITUR ME GJAKUN E NIVICIOTEVE ESHTE TASHME TOKE E PUSHTUAR ,E MARRE NGA DUART TONA ME DHUNE E RRUGACERI. MJAFT ME PAQE, MJAFT ME FJALE ,
DUHET TE CAKTOJME DITEN KUR SHKOPIN QE ZOTI MINISTER E MBAN PER TE NA TREGUAR LIGJIN TA KTHEJME MBI KOKEN E TIJ.
JEPNI KOMENTIN TUAJ TEK FAQJA KRYESORE SECILI PREJ JUSH. ASNJERI MOS TE NGURROJE, VAJZA E DJEM CDOKUSH PREJ JUSH MOS TA NENVLEFTESOJE E TE THOTE DY FJALE.
NE JEMI NGA NIVICA E NUK I DUAM KOMPLIMENTAT.
NE DUAM LUFTE E JO MENYRA DEMOKRATIKE PER TE ZGJIDHUR CESHTJEN E KAKOMESE.
--------------------

Nga Nivica ne Himare jemi nje e te pandare...

Nga Nivica ne Himara jemi nje e te pandare,larg duart nga Kakomeja...keto qene thirrjet diten e djeshme para Parlamentit Grek.E gjithe zona Himare Nivice manifestuan kunder politikes se shtetit Shqiptar me fshatrat e bregdetit.

Gjendja ne Kakome eshte nje shkelje e madhe qe ben shteti Shqiptar me ligjin dhe me pronaret e Nivices.Populli i bregut nuk eshte kurrsesi kunder integrimin Euro Atlanitk te Shqiperise por ngre zerin qe te ndaloj te gjithe grabitesit qe jane vershuar meteposhte dhe ne emer te turizmit te shpronesojne kundra ligjit fshatrat e bregdetit.

Shpresojme ne nje zgjidhje sa me te shpejt te ceshtjes se Kakomese nga Qeveria Shqiptare qe me ne fund tu ndalet forca te gjithe grabitqareve te tokave tona.

Fitorja e Lukoves mbi HEC-in

Dje ne date 13.01.2009 u zhvillua mbledhja e KRRTRSH-se dhe u miratua ne parim njolla e re e HEC-it e cila me sa dime eshte ne territorin e fshatit Sasaj. Koncesionari, ketej e tutje duhet te ndjeke te gjitha procedurat e nevojshme per miratimin e ketij studimi te ri ne organet e qeverisjes vendore. Kjo ishte nje fiitore e madhe e jona. Pas nje lufte mbi 2.5 vjecare shperblehen te gjitha perpjekjet tona per smbrapsjen e hajduteve qe synonin te vidhnin pronat e lukovjoteve.

Marko Dhima.

Kakomeja, pronaret e bregut tubim para Parlamentit Grek

Te merkure date 14.1.09 ora 5 mbasdite fshatrat e Bregdetit nga Nivica ne Himare do te organizojne nje tubim perpara Parlamentit Grek ne mbrojtje te pronave si rasti i Kakomese dhe po ashtu dhe per gjith bregun.Ky tubim ka si qellim ngritjen e problemit te zones se bregut te Veriut te Epirit ne qeverine Greke qe te ndikoj ne zgjidhjen sa me shpejt dhe ndalimin e grrabitesve qe jane sule fuqishem ne zonen tone nga qeveria Shqiptare,Gjithashtu dhe largimi i menjehershem i fadromave nga Kakomeja e Nivicjoteve.
Ftohen te gjithe bregasit te marrin pjese ne kete tubim ..
Sot luftohet per Kakomene por neser do jete dhe radha e te gjitheve pronareve te bregut keshtu qe te gjithe ora 5 mbasdite ne Parlamentin Grek tek rruga Vasili Sofia...

Nje nga betejat e luftes kundra ndertimit te hidrocentralit qe ngeli vecse ne tentative

KLIKO QE TE SHIKOSH VIDEON

Nje video amatore nga takimi i masterplanit per bregdetin qe u be nga Banka Boterore para nje viti ne hotel Lukova Palace.Ne kete video do shikoni qarte vendosshmerine e kryeplakut Vaso Nasti ,Marko Dhimes dhe gjithe djemeve Lukovjote qe merrnin pjese ate dite duke ardhur nga greqia per te kundershtuar ndertimin e hidrocentralit tek kodra e Shen Nifonit.

Po ju vendos me poshte dhe me shkrim nje pjese nga gjith takimi qe eshte marre nga Banka Boterore dhe quhet KONSULTIMET PUBLIKE LUKOVA

Kryetari: Për hidrocentralin keni qëndrim edhe si komunitet, keni bërë edhe një peticion. Le të lexojmë peticionin.

Kryeplaku i Lukovës lexon peticionin. Asnjë herë nuk ka organe kompetente shtetërore që të na përgjigjen për pronën. Nuk ka nevojë t’i drejtohemi me peticione të huajve, zgjidhjen duhet ta gjejmë në Shqipëri. Si përfaqësues komuniteti, ne duhet të bëjmë zhvillimin e turizmit.

Bregdeti është truall, nuk është tokë. (DUARTROKITJE)

Një nga pikat që u përmend është mjedisi dhe peizazhi, për shembull kodra e Lapidarit është një nga peizazhet më të bukura të Shqipërisë dhe ai do të prishet nga hidrocentrali.

(POSHTË HIDROCENTRALI!!!! DUARTROKITJE)

Në PV të qarkut të Vlorës janë marrë mendime kontradiktore me komunitetin dhe jemi ofenduar edhe në aspektin e trashëgimisë. Ju e respektoni pronën tuaj dhe këtu, pa u bërë regjistrimi i pronësisë, s’bëhet gjë. Ne çdo gur e kemi të konfirmuar, çka përbën për ne bazë të fortë ligjore, ne duhet të bashkëpunojmë, por duke qenë të gjithë në një palë, jo nga një anë diskutojmë kundër hidrocentralit dhe pastaj në qarkun e Vlorës merret vendim me 12 vota kundër.

Qëllimi i Lukovës është që të jemi pjesëtarë. Ne nuk kemi pronarë, me tapitë që kemi në dispozicion, certifikatat e pronësisë nuk na quajtën pronarë. Shteti shqiptarë të përcaktojë rregulla loje.

(POSHTË HAJDUTËT!!!)

Kapërcejmë fazën. Pa akuzuar askënd dhe duke vlerësuar aktet kundër korrupsionit, ne do jemi kundër hidrocentralit. Në Vlorë janë bërë shkeljet ligjore. Nëse ju nuk mund të transmetoni, ose nuk jeni vendimmarrës, na thoni që ne të drejtohemi tjetërkund.

Marini: Ne nuk jemi kompetentë për pronat. Unë nuk njoh as dokumentacionin për Sasajn. Por unë e deklaroj që nuk mund të ketë leje ndërtimi nëse nuk ka titull pronësie. Sasaj: Një shkelje procedurale, nuk besojmë se duhet t’i hyjmë, ju i dini më mirë. E dyta, më e rëndësishme, është shkelja e rregullave. T’i ndajmë dy gjërat.

Kryeplaku Lukovë: Asgjë që cenon interesat e pronësisë nuk bëhet në Lukovë. Duam që të njihet e drejta e pronësisë. Kemi shansin që kjo punë të mbyllet, në të kundërt nuk do zhvillohemi, nuk ka turizëm as në Lukovë, Kakome, asgjëkund nëse kush vjen është hajdut. Tradita nuk duhet të shkelet me 5 hajdutë.

Anëtar i KRT Qarku Vlorë: Citon shkeljet procedurale për lejen e hidrocentralit. Njolla është vënë? Është rreth 150 hektarë, për t’u blerë me 2700 lek/m2.

Një shtet që mbron të drejtat, si u prekka kisha e fshatit, është absurde, sepse do firma Wand shpk. të fitojë 800 mijë euro në vit. Ka një sërë shkeljesh dhe argumentesh që ia kemi thënë edhe PM të Shqipërisë dhe kryetari i këshillit të qarkut, ka thënë është me porosi të Kryeministrit shqiptar. Nuk e di që PM të shkelë të drejtat për një firmë.

Ross: Këto që propozojmë ne janë projektrregullore dhe asnjë nga këto propozime nuk janë në hartë. Ne nuk mbështesim asgjë të tillë. Ne nuk jemi pjesë e vendimmarrjes. Nëse doni të vazhdoni diskutimin, humbasim kohën për të diskutuar çështjet e tjera

Kryeplaku thotë që në hartat e djeshme (në Tiranë) ishte njolla, të paktën këtu në Lukovë kështu ka ardhur lajmi.

Policia aksion në Kakome, arreston 15 vetë, i hapet rruga ndërtimit të fshatit turistik

Sarandë-Një operacion blic, koordinuar mes policisë së Sarandës, Vlorës dhe forcave speciale ardhur nga Tirana kanë ndërhyrë me shpejtësi për të liruar rrugën në kryqëzimin e Kakomesë. Operacioni largoi banorët  e “ngujuar”, të cilët prej më shumë se një muaj kishin ngritur postbllok për të mos lejuar firmën “Riviera” të niste punimet për ndërtimin e fshatit turistik, në Gjirin e Kakomesë. Fshatarët e Nivicës, që pretendojnë se tokat në të cilën është projektuar për tu ndërtuar fshati turistik kanë refuzuar të nënshkruajnë marrëveshjet me firmën ndërtuese.

Të “ngujuarit” në disa ndërtesa të braktisura, ku sistemoheshin gjatë netëve të acarta me të moshuarit dhe në disa çadra të amortizuara me mjete rrethanore e plastmasë më të rinjtë, kaluan ditë të vështira në roje të kryqëzimit. Zjarret dhe fryma e protestës i mbajtën ata jo vetëm të bashkuar, por edhe të gatshëm për të përballuar çdo vështirësi . Aty, ata kaluan festën e Çlirimit, të Pavarësisë, Krishtlindjeve dhe Vitin e Ri 2009.

 

Kjo zgjati deri më 9 janar. Ndërhyrja e policisë i prishi kasollet prej plastmasi, i detyroi  niviciotët gjer në ato  çaste të pa epur të merrnin në krahë shtroja e mbulojat dhe tu drejtoheshin banesave të tyre në fshatin Nivicë. Policia ishte e përgatitur me skafanda e shkopinj gome, por nuk lindi nevoja për ti përdorur, pasi 15 prej protestuesve, ata më të “fortët” u shoqëruan në komisariat, mes tyre edhe  kryeplaku Klement Baxheri, ndërsa të tjerët u shpërndanë nëpër shtëpi pa rezistencë. .Lista e të shoqëruarve deri në mesditën e të premtes është kryesisht me emra të rinjsh, si Kico Cari, Ivan Cari, Thoma Cari, Sevo Papadhima, Klement Papadhima, Gaqe Strati, Mentor Spiri, Stefan Papagjika, Ermal Papagjika, Ermir Gjoni, Odise Dukshi, Lulëzim Tabaku, Dhimo Gjoni, Andi  Foti dhe Oltin Papagjika.

 

Plot 30 forca policie u angazhuan në këtë operacion. Në tërësi të veprimit operativ policor binte në sy prezenca e autoblindave dhe ambulancave me targa policie, gjë që flet  për vendosmërinë e përmbushjes së objektivit nga policia. Forcat policore e boshatisën rrugën e bllokuar, duke lejuar mjetet e firmës për të kaluar drejt gjirit të Kakomesë.

Menjëherë nisi ngritja e kantierit të ndërtimit.

 

Kakomeja është si në shtetrrethim. Postblloqet e policisë janë vendosur në të dy anët e kthesës së Kakomesë, në hyrje dhe dalje, në distancën prej rreth 1 km në çdo anë. Qarkullimi në rrugën nacionale vazhdon normalisht pa pengesa, por nuk lejohet vetë lëvizja e turmës dhe individëve drejt Gjirit të Kakomesë, ku kanë nisur punimet e firmës. Këtij rregulli  nuk i shpëtum as ne. Na u desh të kthehemi nga tentativa për të ndjekur fillimin e punimeve për shkak se policia pretendonte se ishin duke zhvilluar operacionin dhe nuk lejohej hyrja në këtë zonë.

 

Në bazë të vendimit të Agjencisë së Kthimit dhe Kompensimit të pronave nivicionët nuk kanë toka në pronësi. Ndërsa këta banorë pretendojnë të kundërtën. Leja e ndërtimit për firmën franceze “Club Med” është dhënë në vitin 2002, ajo ka nënkontraktuar firmën shqiptare “Riviera” për kryerjen e punimeve.

 

 

Kakomeja është një nga perlat e natyrës shqiptare, det dhe mal pranë, ndarë nga një luginë e bukur dhe mbi të gjitha zonë e pashfrytëzuar deri tani. Fshati turistik është planifikuar të jetë buzë detit, ndërkohë që lidhjet janë parashikuar të kryhen nëpërmjet ishullit grek të Korfuzit. Sipërfaqja ku mendohet të ndërtohet fshati turistik është 70 mijë metra katrorë. Projekti parashikon ndërtimin e shtëpive me gurë, duke ndërthurur traditën vendase me kërkesat për një turizëm elitar.

Kakomeja arrestime nga policia.

"FORCA TE NDRYSHME POLICORE ,NE MENGJESIN E SOTEM,ARRESTUAN 15 NIVICIOT DUKE HAPUR KESHTU RRUGEN PER NE KAKOME.
09/01/2009"

TE ARRESTUARIT SOTE NE GRYKEN E BRODANIT JANE:

- ANDRI FOTI
- BLEDAR PAPAGJIKA
- ERMAL PAPAGJIKA
- GAQE STRATI
- KICO CARI
- KLEMENT PAPADHIMA
- LULEZIM TABAKU
- MENTOR SPIRI
- ODISE DUKSHI
- OLTION PAPAGJIKA
- SEVO CARI
- SEVO PAPADHIMA
- THOMA CARI
- VALMIR GJONI
- VANI CARI

POLICIA KA BLLOKUAR RRUGEN NACIONALE,DUKE KONTROLLUAR GJITH MAKINAT DHE DUKE MOS LEJUAR KALIMIN E NIVICIOTEVE E SHOVASIOTEVE.
--------------------

Historia e Kakomese kliko dhe shiko videot.

.